உலகின் நாகரிக வரலாற்றைப் பார்ப்போமானால் முன்னேற்றம் வளர்ச்சி மேம்பாடு என்பவை எல்லாம் முயற்சி, ஈடுபாடு, அக்கறை, பேணுதல் உணர்வு ஆகியவற்றாலேயே ஏற்பட்டு வந்துள்ளன என்பதைத் தெரிந்து கொள்ளலாம்.

உடம்பை அல்லது உள்ளத்தை வருத்தும் முயற்சியில்லாமல் எதையாவது யாராவது உருவாக்கியமைக்குச் சான்று காட்ட முடியுமா? முயற்சியினும் பெரியது விடாமுயற்சி. அறிவியல் அறிஞர்கள் தங்கள் கண்டுபிடிப்புகளையும் புத்தாக்கங்களையும் எத்தனையோ தோல்விகட்குப் பின்னும் எத்தனையோ தடைகளை மீறியுமே செய்துள்ளனர்; உருவாக்கியுள்ளனர். மலர்ச்சிக்கு அடிப்படை முயற்சியே.

ஆர்வம், ஈடுபாடு, அக்கறை ஆகியவும் வளர்ச்சிக்குரிய பண்புகளே. புத்தாக்கம் படைப்பதில் ஆர்வம், தன்போக்கில் போவதுதான் வளர்ச்சி. அதுவே இயல்பானது. கட்டுப்படுத்துவது அல்லது ஒழுங்குபடுத்துவது செயற்கையானது என்று யாரேனும் கூற முடியுமா?

உலகமயமாதல் குறித்து இன்னும் நம்முள் பலர் விழிப்படையவில்லை என்பதை இத்தொடர் குறித்து எனக்கு வந்த மிகச்சில தொலைபேசிப் பேச்சுகளும் மின்னஞ்சல்களும் அறிவுறுத்துகின்றன.

உலகமயமாதல் என்பது உலகமுழுவதுமுள்ள நாடுகள் தொடர்பான பொருளியல் வரலாற்றில் 1981ஆம் ஆண்டு தியோதர் இலெவிட்டு என்பார் தாமெழுதிய 'அங்காடிகளின் உலகமயமாதல்' என்ற நூலில் பயன்படுத்தப்பெற்றது. பின்னர் தற்பொழுது குமுகவியலிலும் உலகந் தழுவிய, சிறப்புமிக்க செயல்முறையாகப் பயன்படுத்தப்பெறுகிறது. உலகமயமாதலின் இயங்கியல் - தமிழினத்தின் பண்பாட்டுக் கூறுகளையும் அடையாளங்களையும் உலக அளவில் எவ்வாறு தாக்கி வருகிறது என்பதை விழிப்புறுத்துவதே இத்தொடரின் நோக்கம்.

நாங்கள் எந்த நிறுவனத்தையோ, அமைப்பையோ எந்த வெளிநாட்டு அரசசார்பற்ற அமைப்புக்களையோ நம்பிப் போராட்டம் நடத்தவில்லை. எங்களது மக்களுடைய பலத்திலேயே இந்த விடுதலைப் போராட்டம் பெரியதொரு தேசிய விடுதலைப் போராட்டமாக வளர்ந்திருக்கின்றது.

ஆனால், வெளிநாட்டு நிறுவனங்களை அகற்றிவிட்டு பெரியதொரு பொருளாதாரத் தடையை ஏற்படுத்த சிங்கள அரசுகள் முயற்சிக்கின்றது.

ஆனால், எங்களுடைய மக்கள் அதை எதிர்கொள்ளத் தயாராக இருக்கின்றார்கள். இவ்வாறு வட்டக்கச்சிக் கோட்டத்திற்குட்பட்ட அனைத்துப் பாடசாலைகளினதும், இடம்பெயர்ந்த பாடசாலைகளினதும் அதிபர்கள், ஆசிரியர்களுடன் நடைபெற்ற சந்திப்பின்போது அரசியல்துறைப் பொறுப்பாளர் பா.நடேசன் தெரிவித்தார்.

விடுதலைக்கான போர், கொடிய தடங்களை அழித்து தனது விழுதுகளை விசாலித்த போது, ‘சமாதானம்', ‘போர்நிறுத்தம்' என்கிற சிங்களத்தை காக்கும் கவசங்களை காவிக்கொண்டு வந்தது, சர்வதேசம் என்று அழைக்கப்படும் மேற்குலகம்.

பௌத்த சிங்கள பேரினவாதத்தின் தமிழின அழிப்பினை, ‘மனித உரிமை மீறல்கள்’ என்கிற பொதுக் கோட்பாட்டினுள் உள்ளடக்கும் அதேவேளை, தேசியத் தலைமை முன்னெடுக்கும் ஆயுதப்போராட்டத்தை ‘பயங்கரவாதம்’ என்கிற வரையறைக்குள் பொருத்திக் கொள்வதுதான் பிராந்திய நலன் பேணும் வல்லரசாளர்களின் போக்காக அமைகிறது.

இந்தியப் பிரதமர் மன்மோகன் சிங் அவர்களை தமிழக முதலமைச்சர் கலைஞர் மு. கருணாநிதி தலைமையில் தமிழக அரசியல் கட்சித் தலைவர்கள் 4-12-2008 காலை சந்தித்து இலங்கை அரசு போர் நிறுத்தம் செய்ய இந்தியா எல்லா வகையிலும் வற்புறுத்த வேண்டும் என்று கேட்டுக் கொண்டுள்ளனர். தமிழ்நாட்டுச் சட்டமன்றமும் ஒருமனதாக போர் நிறுத்தம் ஏற்பட்டாக வேண்டும் என்று தீர்மானம் நிறைவேற்றி உள்ளது. இந்திய அரசு இலங்கைக்கு வெளியுறுவுத் துறை அமைச்சர் பிரணாப் முகர்சி அவர்களை அனுப்ப இந்திய தலைமை அமைச்சர் இசைந்துள்ளார். இலங்கைக்கு போகிறவர்கள் ஒன்றுபட்ட இலங்கைக்குள் தீர்வு என்று கண்மூடித்தனமாக இனியும் வற்புறுத்திக் கொண்டிருப்பது அறிவுடைமை அல்ல.

சிங்களப் பேரினவாதிகள் ஈழத் தமிழர்களை நெடுங்காலமாக அழித்து வருகின்றனர். 1948 ஆம் ஆண்டு இலங்கைத் தீவிற்கு சுதந்திரம் கொடுக்கப்பட்டதென்று பதியப்பட்டிருக்கும் வரலாற்றில் தமிழரின் தனியரசாட்சிகளை பறித்தெடுத்து ஆண்ட அந்நிய சக்திகள் மீண்டும் தமிழரை இன்னொரு அந்நிய சக்தியிடம் தாரைவார்த்து விட்டன.

04.02.1948 ஆம் ஆண்டு தமிழரின் சுதந்திரம் பறிக்கப்பட்ட நாள். இந்த நாளிற்குப் பின்னர் (முன்னரும் சிங்களப் பேரினவாதிகள் தமிழின அழிப்பில் அக்கறை காட்டிய வரலாறுள்ளது.) மிகவும் தீவிரமாகத் தமிழரை அழிப்பதில் இறங்கினார்கள்.

சிங்களப் பேரினவாதிகளின் தமிழின அழிப்பு நடவடிக்கையினால் ஒரு லட்சத்தையும் தாண்டிய உயிரிழப்புக்கள், தமிழரின் தாயக மண்ணில் சிங்களப் படைகள் நிலைகொண்டிருக்கின்ற பகுதிகள் உயர்பாதுகாப்பு வலயங்கள், மதிப்பிட முடியாத சொத்தழிவுகள், அவயவங்களை இழந்தவர்கள், இடம்பெயர்ந்து அகதிகளாக வாழ்வோர் என ஈழத் தமிழருக்குப் பல துன்பங்களை ஏற்படுத்திய வன்முறையாளர்களாகவும் அரச பயங்கரவாதிகளாகவும் சிங்களப் பேரினவாதிகள் இருக்கின்றனர்.

தன்னலம் கருதும் நீரான் தலைமைக்கோர் அணுவும் தேறான்
என்னிவன் ஈங்குப் போந்த இயற்கையை எளிதில் தேற்றாம்
பன்னலம் ஒடுக்கும் பேதைப் படுக்கும்நம் அறிவைக் கூட
அன்னவன் களத்தில் நிற்கும் ஆசையில் வருகின் றான்பார்

கண்களில் கருணை பொங்கக் கட்டியே தழுவிக் கொள்வான்
தண்மையாய் மொழியும் மாற்றம் தலைமுதல் கால்வ ரைக்கும்
உண்மையில் குளிர்ந்து போகும் ஒன்றுமே கிளத்த லாற்றாம்
வண்மைய ரொக்க வாயால் வாரியே வழங்கும் நீரான்.

இலங்கைத் தமிழர்களின் அவல நிலை தொடர்பாக சர்வதேசத்தின் கவனத்தை ஈர்ப்பதற்காக 'தமிழ் லீக்' ஒன்றை அமைக்கும் யோசனையை மலேசிய இந்திய காங்கிரஸின் இளைஞர் அiணி முன் வைத்துள்ளது.

இந்த அமைப்பானது இஸ்லாமிய மாநாட்டு அமைப்பு போன்று ஐ.நா.வின் அங்கீகாரம் பெற்ற அமைப்பாக இருக்க வேண்டும் என்று இதன் ஆலோசகர் வேல்பாரி தெரிவித்துள்ளர்.

ஸ்பெய்னில் கடந்த வாரம் “நாடுகள் அற்ற தேசிய இனங்கள்” எனும் மாநாடு அனைத்துலக அரச சார்பற்ற நிறுவனம் ஒன்றினால் நடத்தப்பட்டது.

இதில் கொசவோ, பாலஸ்தீனம், தமிழ், குரூடிஸ், கத்தலோன், பாஸ்க் ஆகிய இன மக்களின் சுயநிர்ணய உரிமை தொடர்பில் ஆராயப்பட்டது.

இந்த மாநாட்டில், பிரான்ஸ் தமிழர் மனிதர் உரிமைகள் மையத்தின் பொதுச் செயலாளர் ச.வி.கிருபாகரனும் கலந்துகொண்டு தமிழீழ மக்களின் சரித்திரம், முறிவடைந்த பேச்சுவார்தைகளும் உடன்படிக்கைகளும், தமிழ் மக்களின் சுயநிர்ணய உரிமை ஆகியவற்றுடன், இலங்கைத்தீவில் தமிழ் மக்களின் தற்போதைய மனித உரிமை, மனிதாபிமான நிலைமைகள் குறித்தும் உரையாற்றினார்.